१७ वैशाख, वीरगञ्ज । वीरगञ्जस्थित नारायणी अस्पतालको प्रयोगशालामा २ सय ८८ जनाको नमुना परीक्षण गर्दा १ सय ७५ जनामा कोरोना संक्रमण पुष्टि भएको छ ।
संक्रमितमध्ये १ सय ७५ जना पुरुष र ४४ जना महिला छन् । अस्पतालका अनुसार परीक्षणका लागि बिहीबार गरिएको नमुना संकलनमा ६० दशमलव ७६ प्रतिशतमा सक्रमण देखिएको हो ।
संक्रमित हुनेमा पर्साका १३१ जना, बाराका ३४ जना, रौतहटका ३ जना, सर्लाहीका ५ जना, महोत्तरी र दाङका १/१ जनामा संक्रमण देखिएको नारायणी अस्पतालले जनाएको छ ।
१० वर्षदेखि ७२ वर्षका संक्रमितको सिटी भ्यालु १४ दशमलव २ देखि ३५ दशमलव २ रहेको अस्पतालका कोभिड संयोजक डाक्टर सरोज रोशन दासले बताए ।