विराटनगर,असार ९
द्वन्द पीडित र एकल महिलाका सन्तानलाई छात्रबृति प्रदानगर्दै विराटनगरमा आठौं अन्तराष्ट्रिय एकल महिला दिवस मनाईएको छ ।
एकल महिला दिवसको अवसरमा मानवअधिकारलागि महिला,एकल महिला समुहले एक कार्यक्रमको आयोजनागरि द्वन्द पीडित सहितका १० जना छात्र–छात्रालाई छात्रबृति प्रदान गरेको हो ।
कार्यक्रममा संस्थाकी मोरङ अध्यक्ष राजकुमारी भट्टराई,संस्थाको रतुवामाई नगरपालिका अध्यक्ष भगवती सुब्बा,तेतरीया अध्यक्ष मिना चौधरी लगायतले छात्रछात्रालाई छात्रबृति प्रदान गरिन् ।
सो अवसरमा बोल्दै आयोजक संस्थाकी अध्यक्ष भट्टराईले एकल महिलाको समस्या समाधानगर्न राज्य पक्ष थप गम्भीर हुनुपर्ने बताइन् । उनले पीडामा रहेका द्वन्द पीडित र एकल महिलाका सन्तानलाई प्रोत्साहन स्वरुप कपी कलम र नगद सहित छात्रबृति प्रदान गरिएको जानकारी दिइन्।
कार्यक्रममा विराटनगर महानगरपालिकासहित कटहरी र ग्रामथान गांउपालिका लगायत मोरङका विभिन्न गांउपालिकाका छात्रछात्रालाई छात्रबृति प्रदान गरिएको थियो ।
