३१ बैशाख, काठमाडौं ।
वैकल्पिक सरकार निर्माणमा भएका असफलताबारे नेपाली कांग्रेस, नेकपा माओवादी केन्द्र र जनता समाजवादी पार्टी (जसपा) नेपालले समीक्षा गरेका छन् ।
शुक्रबार कांग्रेस सभापति शेर बहादुर देउवा निवास बूढानीलकण्ठमा तीन दलले समिक्षा गरेका हुन् । समिक्षाकाक्रम्मा कांग्रस सभापति शेर बहादुर देउवा, माओवादी अध्यक्ष पुष्पकमल दाहाल र जसपा अध्यक्ष उपेन्द्र यादवसहितले राजनीतिक समीक्षा गरेका हुन् ।
समिक्षाकाक्रममा वैकल्पिक सरकार निर्माणमा भएका प्रयत्न र कमजोरीबारे चर्चा भएको थियो । बैठकमा सहभागी कांग्रेसका एक नेताका अनुसार जसपाको महन्थ ठाकुर पक्ष र एमालेको माधव नेपाल समूहका कारण आफूहरुले बैकल्पिक सरकार बनाउन असफल भएको बताए ।
उनले भने, प्रधानमन्त्री केपी ओलीको निरन्तरताको कारक तत्वनै नेपाल र ठाकुर रहेको अन्तिम निष्कर्ष निकालेको छ । आगामी दिनमा कसरी अगाडि बढ्ने भन्नेमा पनि सामान्य छलफल भयो’, बैठकमा सहभागी अर्का नेताले भने ।
उनका अनुसार ३ दलबीचको राजनीतिक संवाद र सहकार्य निरन्तर राख्न शीर्ष नेताहरू सकारात्मक छन् । उनले भने ‘गठबन्धन नै त नभनौं फेरि पनि राजनीतिक सहकार्य हुनसक्ने विषयमा खुल्ला छलफल भएको छ ।
