७ जेठ, काठमाडौं ।
बाँकेमा पछिल्लो २४ घण्टामा कोरोना संक्रमणबाट १७ जनाको मृत्यु भएको छ ।
बाँकेका कोरोना फोकल पर्सन तेज ओलीका अनुसार कोरोना संक्रमणबाट बाँकेका १० जना र बाहिरी जिल्लाका सात जनाको मृत्यु भएको हो ।
बाँकेमा पछिल्लो २४ घण्टामा थप ३४२ जनामा संक्रमण पुष्टि भएको छ । जिल्लका तीन वटा प्रयोगशालामा ५८७ नमुना परीक्षण गर्दा ३४२ जना संक्रमित थपिएको ओलीले बताए । जसमध्ये बाँकेका मात्रै २०६ जना र बाहिरी जिल्लाका १३६ जना रहेका छन् ।
बाँकेमा शुक्रबार ३३८ जना संक्रमित डिस्चार्ज भएका छन् । ओलीका अनुसार १५५ जना महिला १८३ जना पुरुष गरी कुल ३३८ जना संक्रमित भएका हुन् ।
