१४ जेठ, काठमाडौं ।
सुदूरपश्चिम सरकारको मन्त्रीपरिषद् विस्तार भएको छ । प्रदेशका मुख्यमन्त्री त्रिलोचन भट्टले शुक्रबार मन्त्रीपरिषद् विस्तार गरेका हुन् ।
भट्टले चार मन्त्री नियुक्त गरेका छन् । उनले एमालेका तर्फबाट तीन र आफ्नै पार्टी माओवादी केन्द्रबाट एक जना मन्त्री नियुक्त गरेका हुन् ।
प्रदेश सरकारको सामाजिक विकासमन्त्रीमा पूर्णा जोशी, आन्तरिक मामिला तथा कानुनमन्त्रीमा लालबहादुर खड्का, भौतिक पूर्वाधार विकासमन्त्रीमा दीर्घ सोडारी र उद्योग वन तथा वातावरणमन्त्रीमा मानबहादुर धामी नियुक्त भएका छन् ।
पर्यटनमन्त्री बनेका धामी माओवादी केन्द्रका हुन् भने बाँकी तीन मन्त्री एमालेका हुन् ।
