१९ जेठ, काठमाडौं ।
काठमाडौमा चोरीको स्कुटर प्रयोग गरेर मोबाइल फोन लुटपाट गर्दै हिँड्ने चार जनालाई प्रहरीले पक्राउ गरेको छ ।
स्कुटरमा हिँड्ने केही युवाले पैदल यात्रुको मोबाइल लुट्दै हिँडेको सूचनाका आधारमा महानगरीय प्रहरी परिसरको टोलीले जेठ १७ गते सोमवार बूढानीलकण्ठ नगरपालिका निलो पुलबाट चार जनालाई पक्राउ गरेको हो ।
पक्राउ पर्नेमा ओखलढुङ्गा घर भएका सोभित श्रेष्ठ, धादिङका करुण उप्रेती, काठमाण्डौका एलिन अधिकारी र मकवानपुरका राम परियार रहेका छन् । उनीहरूको साथबाट प्रहरीले चोरी गरेका १९ थान मोबाइल पनि बरामद गरेको छ ।
