६ साउन, काठमाडौं ।
नेकपा एमालेले पार्टीको निर्देशनविपरीत शेरबहादुर देउवालाई विश्वासको मत दिने २२ सांसदलाई २४ घण्टे स्पष्टीकरण सोधेको छ ।
पत्रमा पार्टी अध्यक्ष केपी शर्मा ओलीले पार्टीको हितविपरीत विभिन्न गतिविधि गरेको, गुटगत गतिविधि सञ्चालन गरेको र विपक्षी गठबन्धनमा सामेल भई अपराधजन्य निर्णय गरेको भन्दै स्पष्टीकरण सोधेका छन् ।
‘अनुशासनहीन, अराजक, अनैतिक र अलोकतान्त्रिक तरिका प्रयोग गरी विपक्षी गठबन्धनमा सामेल भइ अपराधपूर्ण कार्य के कति कारणले गर्नुभएको हो ?’ पत्रमा भनिएको छ ।
जवाफ चित्तबुझ्दो नभएमा वा जवाफ नदिएमा तपाईलाई उपयुक्त बमोजिम कारवाही हुने पनि भनिएको छ ।
