मोरङ, असार २०
मोरङको विराटनगर–१५ बाट ९० एम्पुल लागुऔषध टिडिजेसिकसहित दुई जनालाई मंगलबार प्रहरीले पक्राउ गरेको छ ।
पक्राउ पर्नेमा सुनसरी धरान –८ बस्ने सकुल अधिकारी र सोही ठाउँका सन्दिप शाह रहेका छन् । लागुऔषध नियन्त्रण ब्युरो विराटनगरबाट खटिएको टोलीले दुबैलाई अपरान्ह ४ बजे भारत जोगबनी बजारबाट लागुऔषध खरिद गरी धरानतर्फ लैजादै गर्दा पक्राउ गरेको हो ।दुबैलाई थप अनुसन्धानका लागी इलाका प्रहरी कार्यालय रानीमा बुझाइएको छ।
