११ असाेज, काठमाडौं ।
चौथो संस्करणको एभरेष्ट प्रिमियर लिग (इपिएल) खेल्न नेपाल आएका पाकिस्तानका पूर्व कप्तान तथा स्टार अलराउन्डर शाहिद अफ्रिदी आज पाकिस्तान फर्कंदै छन् । अफ्रिदी आज चार बजे फर्कनेछन् ।
अफ्रिदी काठमाडौं किंग्स इलेभेनबाट इपिएल दुई खेल खेल्न बिहीबार नेपाल आएका थिए । अफ्रिदीले इपिएलमा दुई खेल खेल्ने कार्यक्रम रहेपनि सोमबार विराटनगर वारियर्सविरुद्धकाे खेल रद्ध भएपछि एक खेल मात्र खेलेर फर्किनु पर्ने भएका छ ।
शनिबार अफ्रिदीले ललितपुर प्याट्रियटर्सविरुद्ध पहिलो खेल खेलेका थिए । अफ्रिदीले ब्याटिङको अवसर नपाउँदा बलिङमा ४ ओभरमा ३२ रन खर्चेका थिए । काठमाडौंले ललितपुरमाथि ७ विकेटको सहज जित निकाल्दा ब्याटिङ गर्नु परेको थिएन ।
आइतबार वर्षाको कारण आउट फिल्ट भिजेको हुँदा आजकाे खेल नै स्थगित हुन पुग्यो । यो खेल अर्को दिन गर्नेबारे आयोजकले सम्भाव्यता अध्ययन गरिरहेको छ । काठमाडौंले भोली हुने एकमात्र खेलमा पोखरा राइनोजसँग खेल्नेछ ।
अफ्रिदीले शुक्रबार राष्ट्रपति विद्यादेवी भण्डारीसँग भेटवार्ता गरेका थिए । अफ्रिदीले नेपाल बसाइको क्रममा नेपाल मुश्लिम आयोगसँग पनि छलफल गरेका थिए भने आइतबार माउन्ट फ्लाइट पनि गरेका थिए ।
सोमबार खेल स्थगित भएको केहि समयमै अफ्रिदीले टियु मैदान छाडेका छन् । अफ्रिदी नेपाल भ्रमणमा खेल भन्दा पनि मनोरञ्जन, कूटनीतिक भेटघाट र अफ्रिदी फाउन्डसेनको काममा बढी ब्यस्त देखिए ।
अफ्रिदी फ्रेन्चाइज लिग खेल्न नेपाल आउने सर्वाधिक ठूला नाम हुन् । अफ्रिदी फर्केसँगै अव उनको स्थानमा सिंगापुरका अलराउन्डर जनक प्रकाशले खेल्नेछन् ।
