१९ पुस, एजेन्सी ।
दक्षिण अफ्रिकाको संसदमा आगजनी गरेको आशंकामा प्रहरीले एकजनालाई पक्राउ गरेको छ ।
आगजनी गरेको आशंकामा अन्दाजी ५० वर्षका एक शंकास्पद व्यक्ति पक्राउ परेको प्रहरीले जनाएको छ ।
आइतबार स्थानीय समयअनुसार बिहान २ बजे त्यहाँको संसद नेसनल एसेम्बलीको भवनमा आगलागी भएको थियो । शंकास्पद व्यक्ति संसद भवनबाट पक्राउ परेको प्रहरीले जनाएको छ।
पक्राउ परेका व्यक्ति बिहानैदेखि संसद भवनमा आवतजावत गरेको एउटा सीसीटिभी फुटेजमा देखिएको सार्वजनिक कार्य तथा पूर्वाधार मन्त्री प्याट्रिका डी लिलेले बताइन् । आगलागीको कारण नखुलेको र अनुसन्धान भइरहेको स्थानीय अधिकारीले बताएका छन् ।
