१० चैत, एजेन्सी । भारतले रुसको सहयोगमा निर्मित ब्रह्मोस सुपरसोनिक क्रुज मिसाइलको सफल परीक्षण गरेको छ ।
जमिनबाट जमिनमा प्रहार गर्ने यस मिसाइलको परीक्षण बुधबार अण्डमान र निकोबार द्वीपमा गरिएको थियो ।
यो सुपरसोनिक क्रुज मिसाइल आवाजको गतीभन्दा तीन गुणा बढी रफ्तारमा उडेर लक्ष्य भेद्न सक्छ ।
भारतीय अधिकारीहरुका अनुसार परीक्षणको क्रममा यसले लामो दुरीको निशानाको लक्ष्य हासिल गर्न सफल भएको थियो ।
मिसाइल परीक्षण पछि भारतीय सेनाका एयर चिफ मार्शल बीआर चौधरीले टोलीलाई बधाई दिएका थिए । चौधरी आफैं परीक्षण गर्ने स्थानमा उपस्थित थिए ।
यो सुपरसोनिक क्रुज मिसाइलको नाम ‘ब्रहमोस’ राखिएको छ । यो नाम भारतको ब्रह्मपुत्र नदी र रुसको मोस्कवा बन्दरगाहको नामबाट राखिएको हो ।
यसलाई पनडुब्बी, सतह युद्धपोत, विमान या जमिनबाट पनि प्रहार गर्न सकिन्छ । यो विश्वको तीव्र गतिको सुपरसोनिक क्रुज मिसाइलमध्येको एक हो ।
ब्रह्मोस मिसाइलको एयर भर्जन गत वर्ष ८ डिसेम्बरमा सफल परीक्षण गरिएको थियो । अब यी मिसाइललाई लडाकु विमानमा पनि जडान गरिने भारतीय अधिकारीहरुले बताएका छन् ।
