काठमाडौं, २२ चैत । नेकपा माओवादी केन्द्र त्यागेर नेकपा एमालेमा प्रवेश गरेका धादिङको बेनिघाट रोराङ गाउँपालिकाका अध्यक्ष पित्तबहादुर डल्लाकोटी माओवादी केन्द्रमै फर्किएका छन् ।
डल्लाकोटी सोमबार बालकोट पुगेर एमालेमा प्रवेश गरेका थिए । मंगलबार उनले पुनः माओवादीमै फर्किएको जनाएका हुन् । ओलीबाट टीका लगाएर एमाले फर्किएकोमा उनी पुन: माओवादी केन्द्रमै फर्किएका छन् ।
०७४ को स्थानीय चुनावमा उनी माओवादी केन्द्रबाट गाउँपालिका अध्यक्ष निर्वाचित भएका थिए ।
उनले एक विज्ञप्ति जारी गर्दै क्षणिक आक्रोशमा आएर आफूबाट गल्ती भएको बताएका छन् । उनले आफ्नो गल्तीले पार्टीमा परेको क्षतिप्रति गम्भीर आत्माआलोचना गरेको बताएका छन् ।
