काठमाडौं, ६ वैशाख ।नेपाली कांग्रेसका सभापति एवं प्रधानमन्त्री शेरबहादुर देउवाले गठबन्धन टुटाउने षड्यन्त्र भइरहेको बताएका छन् ।
नेपाल विद्यार्थी संघको स्थापना दिवसका अवसरमा मंगलबार काठमाडौंमा आयोजित कार्यक्रमलाई सम्बोधन गर्दै प्रधानमन्त्री देउवाले भने, ‘गठबन्धन टुटाउने षड्यन्त्र भइरहेको छ तर गठबन्धन टुटाउनु हुँदैन ।’
आफू पाँच दलीय गठबन्धनका तर्फबाट प्रधानमन्त्री भएकाले गठबन्धन बचाउनुपर्ने देउवाको भनाइ छ । पाँच दललाई पनि उचित सिट दिएर गठबन्धन जोगाउनुपर्ने उनले बताए ।
उनले पाँच दलीय गठबन्धनबाट आफू प्रधानमन्त्री भएको र यो गठबन्धन चुनावसम्मै लैजाने बताए । गठबन्धनमा रहेका दलहरूलाई चुनावमा उचित स्थान दिनुपर्ने उनले बताए ।
यसअघिको निर्वाचनमा एमाले र माओवादी मिल्दा कांग्रेसले हार व्यहोरेकाले गठबन्धनलाई बचाउनुपर्ने उनको मत छ ।
