काठमाडौं, ६ वैशाख । निर्वाचन आयोगका प्रवक्ता शालिकराम शर्मा पौडेलले स्थानीय तह चुनावका लागि मतपत्र छपाइको काम बढीमा १० दिनमा सकिने बताएका छन् ।
मंगलबार काठमाडौंमा आयोजित अन्तर्क्रियामा पौडेलले अबको १० दिनभित्र मतपत्र छपाइको काम सकिने बताए ।
उनका अनुसार हालसम्म १ करोड मतपत्र छपाइ भइसकेको छ अब धेरै छपाइ बाँकी छैन । छपाइ भएको मतपत्र ४६ जिल्लाको लागि भएको उनको भनाइ छ ।
मतपत्र जनक शिक्षा सामग्री केन्द्रले छापीरहेको छ । आयोगले जिल्लामा दलगत स्थितिलाई ध्यानमा राखेर मतपत्र छपाइ गर्दै आएको छ ।
आयोगका प्रवक्ता पौडेलका अनुसार काठमाडौंमा सर्वाधिक ४६ वटा दलका लागि मतपत्र छपाइ भएको छ ।
