२४ जेष्ठ ,काठमाण्डौ । पछिल्लो २४ घण्टामा २८ जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी तीन हजार तीन सय ७६ जनाको नमुना परीक्षण गर्दा २८ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
यस्तै थप नौ जना सङ्क्रमित निको भएका छन् ।
पछिल्लो २४ घण्टामा कोरोना सङ्क्रमणका कारण कसैको पनि ज्यान गएन ।
अहिले नेपालमा एक सय सात जना कोरोना भाइरसका सक्रिय सङ्क्रमित रहेका छन् ।
पछिल्लो २४ घण्टामा एक लाख आठ हजार सात सय ९२ जनाले कोरोनाविरुद्धको खोप लगाएका मन्त्रालयले जनाएको छ ।
