२० असार,काठमाण्डौ ।एमाले अध्यक्ष केपी शर्मा ओलीले सत्तारुढ गठबन्धन देशका लागि अभिशाप भएको टिप्पणी गरेका छन् । किसानले मल नपाएर हाहाकार मच्चिदा पनि सरकार भने गठबन्धन जोगाउन लागिपरेको उनले आरोप लगाए । उनले भने, ‘गठबन्धनको यता जुइनो फुस्किन्छ, उता बाध्यो, फेरी उता फुस्किन्छ । यता किला ठोकिन्छ त्यो फुस्किन्छ अर्को किला ठोक्यो, बेहाल छ ।’गठबन्धन देशका लागि अभिशाप भएको बताउँदै उनले भने, ‘यो गठबन्धन यस देशका लागि अभिशाप हो । यो गठबन्धन राजनीतिक, राष्ट्रियता र अर्थतन्त्रका हिसाबले जनतालाई पिरमर्का दुःख बोकाउने हिसाबले अभिशाप हो । अभिशाप भएको छ यो गठबन्धन ।’
