२६ असार, विराटनगर ।
विराटनगर महानगरपालिकाको दशौं नगरसभाको दोस्रो बैठकले आर्थिक वर्ष २०७९र८० को बजेट पारित गरेको छ ।आर्थिक वर्ष २०७९र८० का लागि विराटनगरले तीन अर्ब ६२ करोड ५५ लाख ६७ हजार रुपैयाँको बजेट ल्याएको थियो । यो बजेट चालु आर्थिक वर्ष २०७८र७९ को बजेट चार अर्ब ६० करोड ८१ लाख भन्दा १५ प्रतिशतले कम हो ।नगरसभा वैठकलाई सम्बोधन गर्दै मेयर नागेश कोइरालाले महानगरको आर्थिक अवस्था कमजोर भएकाले राजस्व संकलन १ अर्ब रुपैयाँ नकटाएसम्म सोचेंजस्तो विकास गर्न नसक्ने बताए ।उपमेयर शिल्पा कार्कीले पनि महानगरको आन्तरिक आम्दानी बढाउनुपर्ने बताइन् । करको दायरामा नआएका क्षेत्रलाई दायरामा ल्याउने बताउँदै उनले आन्तरिक स्रोतलाई बलियो बनाएर मात्रै चाहेजस्तो विकास गर्न सकिने बताइन् ।
