२८ असार, काठमाण्डौ ।
यातायात व्यवस्था विभागले अन्तरप्रदेश मालवाहक तथा यात्रुवाहक सवारी साधनको नयाँ भाडादर कायम गरेको छ ।गत २० असार मध्यारातिदेखि लागू हुनेगरी नेपाल आयल निगमले पेट्रोलमा २ रुपैयाँ मूल्यवृद्धि गरेको थियो । त्यसको एक सातापछि यातायात व्यवस्था विभागले यात्रुवाहक सवारीको भाडा १।७ र मालवाहक सवारी साधनको २।६ प्रतिशत भाडादर बढाएको हो ।यात्रायात व्यवस्था विभागले वैज्ञानिक भाडादरको प्रवधानअनुसार भाडा बढाएको जनाएको छ । पेट्रोलको मूल्य २ रुपैयाँ मात्रै बढाइए पनि डिजेलको मूल्य ९ रुपैयाँ प्रतिलिटर बढाइएको कारण औषत २ प्रतिशत भाडा बढाउनु परेको विभागले जनाएको छ ।
