२४ भदौ , एजेन्सी ।
बेलायतमा ७० वर्ष शासन गरेकी महारानी एलिजाबेथ अब यो संसारमा छैनन् । स्कटल्याण्डको बालमोरल क्यासलमा ९६ वर्षको उमेरमा रानीले अन्तिम सास लिँदा सम्पूर्ण परिवार उपस्थित थिए। उनको सबैभन्दा प्यारो नाति प्रिन्स विलियम परिवार सहित हजुरआमाको छेउमा उपस्थित थिए। अर्को नाति, प्रिन्स ह्यारी भने आफ्नो बाटोमा थिए।
हजुरआमाका लागि दुवै दाजुभाइ सँगै आए तर उनीहरुबीचको दूरी धेरै थियो । बेलायती संचारमाध्यामका अनुशार करिब चार वर्षअघि यी दुई दाजुभाइबीच दूरी बढ्दा हजुरआमा एलिजाबेथले सबैभन्दा बढी दुःख भोग्नुपरेको कुरा सायदै कमैलाई थाहा होला । प्रिन्स ह्यारी र उनकी पत्नी मेगन मार्कल २०१८ मा विवाह पछि शाही परिवारको विरुद्धमा गए।
बिहीबार दिउँसो प्रिन्स ह्यारी आफ्नी हजुरआमालाई भेट्न खोज्दै थिए, तर उनकी श्रीमती मेगन उनीसँगै आइनन्। राजकुमार ह्यारी र श्रीमती मेगनलाई ससेक्सको ड्यूक र डचेसको नाम दिइएको छ। दुबैले सधैं एलिजाबेथसँग राम्रो सम्बन्ध रहेको दाबी गरेका छन्। तर एलिजाबेथको तर्फबाट नयाँ वर्षको अवसरमा एउटा फोटो सार्वजनिक भएपछि मेगन निकै रिसाएकी थिइन्।
सन् २०२० मा महारानी एलिजाबेथले नयाँ वर्षको फोटो सार्वजनिक गरेकी छिन् । यस तस्बिरमा, रानी आफ्नो छोरा र अहिले बेलायतका राजा चार्ल्स, उनका छोरा प्रिन्स विलियम र विलियमका छोरा प्रिन्स जर्जसँग देखिन्छन्। यही तस्विरले आगोमा ध्यु थप्ने काम गरेको बताइन्छ ।
लेखक एन्ड्रयू मोर्टनले आफ्नो पुस्तक ‘मेगनः ए हलिउड प्रिन्सेस’ मा लेखेका छन् कि जब तस्विर बाहिर आयो, उनले महसुस गरिन कि उनी र उनका पति प्रिन्स ह्यारीको शाही परिवारमा कुनै स्थान छैन। जब मेघन र ह्यारीले आफ्नो शाही पद र अधिकारबाट हट्दै थिए प्रिन्स विलियमलाई ह्यारीको निर्णय बारे थाहा थिएन।
जबकि ह्यारीले सधैं आफ्नो जीवनको हरेक प्रमुख निर्णय आफ्नो भाइलाई सोधेर लिने गर्थे। जब ह्यारी र मेघनले अलग हुने निर्णय गरे, । त्यसपछि पनि, महारानी एलिजाबेथले राजकुमार ह्यारीको फिर्ताको ढोका सधैं खुला हुनुपर्छ भनेर सुनिश्चित गरिन्। ह्यारी हजुरआमाको कलेजोका टुक्रा थिए । उनी प्रिन्स विलियमको बारेमा पनि चिन्तित थिइन् र अक्सर विलियमलाई एक्लो महसुस नहोस् भन्ने चाहान्थिन ।
प्रिन्स विलियम र ह्यारी दुबै शाही परिवारका सदस्य हुन् जो आफ्नी आमा राजकुमारी डायनाको मृत्यु पछि सधैं सँगै देखिए । दुबै एकअर्काको प्रशंसा गर्न थाक्दैन थिए । तर २०१८ को अन्त्यमा, रानी एलिजाबेथ दुई भाइहरू बीचको दरारको खबरले दुखी भइन्। जतिबेला दुवै दाजुभाइले छुट्टाछुट्टै घरमा बस्ने निर्णय गरेका थिए ।
बेलायती अखबार द सनले लेखेको छ कि ह्यारीले विलियमलाई आफ्नी श्रीमती मेघन मन पराउँदैनन् र उनी दुवैलाई अलग गर्न चाहन्छन् भन्ने सोचेका थिए । द सनका अनुसार, विलियमले ह्यारीलाई मेघनसँग विवाह गर्नु अघि निर्णयमा पुनर्विचार गर्न सल्लाह दिएका थिए । त्यसबेला ह्यारीले आफ्नो भाइको कुरा सुन्न चाहेनन् र त्यसबेलादेखि दुवैबीच तनाव बढेको थियो ।
अक्टोबर २०१९ मा, ह्यारीले पनि एक वृत्तचित्रमा उनका भाइ विलियमसँग सबै ठीक नभएको स्वीकार गरेका थिए । ह्यारीले भनेका थिए ’हेर, हामी दाजुभाइ हौं र सधैं दाजुभाइ रहनेछौं। हामी अहिले फरक बाटोमा छौं तर म सधैं उहाँको लागि हुनेछु र मलाई थाहा छ उहाँ सधैं मेरो लागि त्यहाँ हुनुहुनेछ।
