७ चैत, एजेन्सी ।
रुसमा आगामी २०२४ मा राष्ट्रपति पदका लागि चुनाव हुँदैछ । यसको तयारीका लागि सम्मिलित भएका रुसी अधिकारीहरुलाई क्रेमलिनले मार्चको अन्त्यसम्म एप्पल आईफोनको प्रयोग नगर्न आदेश दिएको छ । रुसी समाचार पत्र कमर्सेन्टले यसबारे खबर लेखेको छ, जसमा लेखिएको छ यो आदेश ती चिन्ताहरुका कारण आएको हो जसमा भनिएको छ कि आईफोनको प्रयोग पश्चिमी गोप्य एजेन्सीहरुद्वारा रुसलाई कमजोर बनाउँनका लागि हुन सक्छ ।
रुसी अधिकारीहरुलाई पुटिन सरकारले आईफोनको साटो चिनियाँ मोबाइल फोन वा रुसी मोबाइल कम्पनिहरुको फोन प्रयोग गर्न पनि सुझाव दिएको छ । राष्ट्रपति प्रशासनभन्दा पहिले उप प्रमुख सर्गेई किरियेन्कोले मस्कोमा एक सेमिनारको दौरान घरेलु राजनीतिमा सहभागि अधिकारीहरुलाई आईफोनको प्रयोग बन्द गर्न निर्देशन दिएको पनि रुसी समाचार पत्रले उल्लेख गरेको छ ।
उनले अधिकारीहरुलाई अप्रिल १ सम्ममा आईफोनको प्रयोग बन्द गर्न आदेश दिएका थिए । सेमिनारमा सहभागि एक अधिकारीका अनुसार आईफोन नचलाउन कडा उर्दी जारी भएको छ । उनीहरुलाई आईफोन फ्याक्न वा बच्चाहरुलाई दिन सुझाइएको छ । र यो काम मार्चभित्रै गर्न पनि भनिएको छ । क
मर्सेन्टका अनुसार क्रेमलिनले आईफोनको साटो विभिन्न अपरेटिंग सिस्टम भएका अन्य डिभाइस प्रदान गर्ने जनाएको छ । गत वर्ष रुसले युक्रेनमा आक्रमण थालेसंगै एप्पलले रुसमा आईफोनसहित आफ्ना उत्पादनहरुको विक्रि रोकिदिएको थियो ।
यद्यपी केही महिनापछि मिडिया रिपोर्टहरुमा रुसका कयौं मानिस र सरकारी अधिकारीहरुले अहिले पनि आईफोनको प्रयोग गरिरहेको खबरहरु आएका थिए जसमा आईफोन १४ पनि रहेको थियो ।
