२७ चैत , एजेन्सी ।
भारतमा जारी १६औं संस्करणको आईपीएलअन्तर्गत आइतबारको पहिलो खेलमा गुजरात टाइटन्सविरुद्ध कोलकाता नाइट राइडर्सले ३ विकेटको रोमाञ्चक जित निकालेको छ। गुजरातले दिएको २ सय ४ रन लक्ष्य कोलकाताले २० ओभरमा ७ विकेट गुमाएर पूरा ग¥यो।
गुजरात टाइटन्सलाई अन्तिम ओभरमा हराउँदै कोलकाताले इण्डिण्न प्रिमियर लिगमा लगातार दोस्रो दर्ता गरेको छ । टस जितेर पहिले ब्याटिङ्ग गरेको गुजरातले निर्धारित २० ओभरमा ४ विकेट गुमाउँदै २०४ रनको विशाल योगफल तयार पारेको थियो ।
उसका लागि विजय शंकरले विष्फोटक ब्याटिङ्ग गर्दै २४ बलमा ४ चौंका र ५ छक्काको मद्दतमा नटआउट ६३ रन बनाए भने इम्प्याक्ट प्लेयरको रुपमा आएका साई सुदर्शनले पनि आकर्षक पारी खेल्दै ३८ बलमा ३ चौंका र २ छक्काको सहयोगमा ५३ रनको अर्धशतक बनाए ।
यसबाहेक शुभमन गिलले ३१ बलमा ३९ रन र ऋद्धिमान शाहले १७ बमा १७ रन बनाएका थिए । बलिङ्गमा कोलकाताका लागि सुनिल नराइनले ३ र सुयश शर्माले १ विकेट लिए । २०५ रनको विशाल लक्ष्य पछ्याउँदै जवाफि ब्याटिङ्गमा ओर्लिएको कोलकाताले २०औं ओभरको अन्तिम बलमा ७ विकेटको क्षतिमा पुरा गर्याे ।
कोलकाताको रोमाञ्चक जितमा रिंकु सिंहले विजयी पारी खेले । उनले अन्तिम ओभरको अन्तिम पाँच बलमा लगातार ५ छक्का प्रहार गर्दै कोलकातालाई रोमाञ्चक जित दिलाए । उनले २१ बलको सामना गर्दै १ चौंका र ६ छक्का प्रहार गर्दै नटआउट ४२ रन जोडे ।
यसबाहेक इम्प्याक्ट् प्लेयरको रुपमा ब्याटिङ्ग गर्न आएका वैङ्कटेश ऐयरले विष्फोटक ब्याटिङ्ग गर्दै ४० बलमा ८ चौंका र ५ छक्काको सहयोगमा ८३ रनको शानादार पारी खेले । यसबाहेक कप्तान नितिश रानाले २९ बलमा ४ चौंका र ३ छक्को मद्दतमा ४५ रन बनाए ।
गुजरातका लागि बलिङ्गमा राशिख खानले ३, अल्जारी जोसेफले २ तथा मोहम्मद सामी र जोस लिटीलले समान एक एक विकेट हात पारे । जितसँँगै ३ खेलमा ४ अंक जोडेर कोलकाता अंकतालिकाको दोस्रो स्थानमा पुगेको छ भने समान खेलमा समान अंक रहेको गुजरात चौंथोमा छ ।
