११ असार, विराटनगर ।
गएको स्थानीय तहको निर्वाचनमा निर्वाचित भएका एक दर्जन स्वतन्त्र जनप्रतिनिधि मध्ये एक वर्षको अवधिमा जनतामाझ चर्चाको शिखरमा रहेका दुई मेयर हुन् काठमाडौ महानगरपालिकाका मेयर बालेन्द्र शाह वालेन र धरान उपमहानगरका मेयर हर्क साम्पाङ राई । संजोक मात्रै हो प निर्वाचनमा दुवैको चुनाव चिन्ह थियो लौरो ।
त्यस बाहेक कुनै ब्यक्तिगत र राजनीतिक सम्बन्धमा नजोडिएका दुवै युवाहरुले निर्वाचनमा जनताको अपार मत पाएर मेयर पद सम्हालिरहेका छन् । मेयरको कार्यकाल सम्हालेको एकपछि वितिसकेको अवस्थामा सुरुवातका दिनमा कामको लय समात्दै गर्दा यी दुईबीच सामाजिक संजालमा लामो जुहारी नै चल्यो ।
एकले अर्कालाई जनतको पक्षमा काम गर्ने सवालमा आफूलाई एकअर्काभन्दा अब्बल सावित गर्न खोजे । काठमाडौंमा फोहोर व्यवस्थापन गर्न नसकेको भन्दै बालेनप्रति तिखो टिप्पणी गर्ने हर्क र सोही वमोजिमको हैैसियत सामाजिक संजालमा हर्कलाई देखाइदिएका बालेन अहिले देखिएका यी दुई जनप्रतिनिधि अहिले एकअर्काको आडभरोसा र दुःख सुखको साथी बनेका छन् ।
पछिल्लो समय हर्कले फेसबुकमा एक स्टाटस लेख्दै आफूले पसिनाको भेल बगाएर पानी ल्याएपनि धरानका दलहरूले मिलेर आफू विरुद्ध मुद्दा लगाइको गुनासो गरे । उनले फेसबुकमा भनेका छन्, ‘पसिनाको भेल बगाए अनेक दुःख गरेर कोकाहाको पानी ल्याएँ । दुनियाँले बधाई दिए तर धरानका दलहरू मिलेर मलाई मुद्दा लगाए । यो कुरा जनताले आफ्नो करङमा लेखेर राख्नु ।’
उनको आशय थियो । आफूले श्रमदान गरेरै पानी पूर्ति गरे पनि दलहरूका नेताहरूले स्याबासी दिनुको साटो उल्टै मुद्दा हालेर दुःख दिए भन्ने । केयर हर्कको सोही स्टाटसमा शान्त्वना प्रदान काठमाडौंका मेयर बालेनले दुःखमा आफू साथमा रहेको बताएका छन् । उनले कमेन्टमा भनेका छन्, केही फरक पर्दैन । कसैले केही भनेर, सोचेर केही फरक पर्दैन । तपाईँ अगाडि पुगिसक्नु भो कि । पछाडि जसले जे बोले पनि फरक पर्दैन ।’ उनले अगाडि लेखेका छन्, ‘सुखमा सबै साथमा भएपनि दुःखमा हामी छौँ । म छु । सबै हुनेछौँ ।
बालेनको सो कमेन्टमा ६० हजार भन्दा बढी रियाक्ट आएको छ । पछिल्लो समय बालेनले ग्रेटर नेपालको नक्सा राख्नेदेखि हिन्दी फिल्म बन्द गर्ने निर्णयमा साम्पाङ उनको साथमा देखिएका छन् । काठमाडौंमा चलचित्र आदिपुरुषको प्रर्दशन बन्द गर्दा हर्कले धरानमा पनि सो चलचित्रको प्रर्दशनमाथि रोक लगाएका थिए ।
बालेनले अदालतका विषयमा दिएको अभिब्यक्तिलाई समर्थन गर्ने गरी हर्कले समेत उनलाई साथ दिदै लेखेका छन्, जब देशको सार्बभौमिकता, भौगोलिक अखण्डा र राष्ट्रिय एकतामा आँच आउने कुरा आउँछ, छातीभरि देश बोकेका देशहरुले कानुन हातमा लिएर अघि बढ्नुको विकल्प रहन्न ! धरानमा खानेपानीको प्रवन्ध गर्न दुई महिना अघि काठमाडौं पुगेका हर्कले बालेनलाई भेटेका थिए । सो क्रममा दुईजनाले एक अर्कामा ‘सिलाम साक्मा’ लगाइदिई स्वागत र सम्मान गरेका थिए ।
