विराटनगर : विराटनगरको रानी नाकाबाट बुधबार चार जना युवतीको उद्धार गरिएको छ ।
विराटनगरबाट जोगबनी नाका हुँदै ओमन तर्फ जानेक्रममा धनकुटा, दमक र काठमाडौं घर भएका चार जना युवतीहरुको उद्धार भएको प्रहरीले जनाएको छ ।
सीमा नाकामा सुरक्षार्थ खटिएको नेपाल प्रहरी, विश्व सेवा विस्तार संस्था र साना हात नामक संस्थाले सोधपुछ गर्ने क्रममा शंका लागि उनीहरुलाई पर्काईएको हो ।
उनीहरुलाई विश्व सेवा विस्तार संस्थाको संरक्षणमा राखिएको जिल्ला प्रहरी कार्यालय मोरङले जनाएको छ । यो समाचार आजको उद्घोष दैनिकमा छापिएको छ ।
