८ साउन, एजेन्सी ।
भारतकी अर्थमन्त्री निर्मला सीतारमणले आज संसद्मा पूर्ण बजेट प्रस्तुत गरेकी छन् । उनले यो लगातार सातौँपटक भारतको बजेट प्रस्तुत गरेकी हुन् । यो बजेट गरिब, महिला, युवा र किसानमा केन्द्रित छ। यो २०२४– ०२५ को पूर्ण बजेट हो । जसमा अर्थमन्त्रीले ’विकसित भारत’ को खाका प्रस्तुत गरेकी छन्। सरकारले बजेटका ९ प्राथमिकतामा किसान, रोजगारी र मध्यमवर्गलाई केन्द्रमा राखेको छ । यसका लागि मोदी सरकारले धेरै नयाँ योजना पनि घोषणा गरेको छ । बजेटमा भारत सरकारले रोजगारी र सीप विकासका धेरै योजना ल्याएको छ । जसमा
श्रमजीवी महिलाका लागि छात्रावास र क्रेचको स्थापना
प्राकृतिक खेतीका लागि १ करोड किसानलाई सहयोग गर्ने ।
१० हजार बायो इनपुट सेन्टर स्थापना गर्ने ।
जनसमर्थ आधारित किसान क्रेडिट कार्ड ५ राज्यमा वितरण गरिने ।
लबस्टर उत्पादन बढाउन केन्द्रीकृत प्रजनन केन्द्रहरू निर्माण गरिने ।
ग्रामीण विकासका लागि २.६६ लाख करोड रुपैयाँको विनियोजन ।
पहिलो पटक जागिर खोज्नेलाई सरकारले एक महिनाको तलब ३ किस्तामा दिनेछ । यसको सीमा १५ हजार रहेको छ।
नयाँ कर्मचारी भर्ना गर्दा आगामी २ वर्षसम्म रोजगारदाताहरूलाई प्रति महिना ३ हजार सहयोग दिइने । यसबाट ३० लाख युवा लाभान्वित हुनेछन् ।
प्रधानमन्त्री इन्टर्नशिप योजना अन्तर्गत मासिक ५ हजार रुपैयाँ भत्ता दिइने ।
अमृतसर कोलकाता औद्योगिक कोरिडोरमा गयामा औद्योगिक केन्द्रको विकास।
पटना–पूर्णिया एक्सप्रेसवे, बक्सर–भागलपुर एक्सप्रेसवे, बोधगया, राजगीर, वैशाली र दरभंगामा सडक र बक्सरमा गंगामा २६ हजार करोड रुपैयाँको नयाँ पुलको कामलाई गति दिने ।
आन्ध्र प्रदेशलाई १५ हजार करोड रुपैयाँ थप सहायता दिने ।
भारत पोस्ट पेमेन्ट्स बैंकका १०० भन्दा बढी शाखाहरू उत्तर–पूर्वी राज्यहरूमा स्थापना गरिनेछ।
मुद्रा योजना अन्तर्गत, ऋण सीमा १० लाख रुपैयाँबाट२० लाख रुपैयाँमा बढाइएको ।
उत्पादन क्षेत्रमा ऋण ग्यारेन्टी योजना । सय करोड रुपैयाँसम्मको ऋणको लागि कुनै ग्यारेन्टी आवश्यक नपर्ने ।
पीएम आवास योजना–शहरी २.० अन्तर्गत १० लाख करोड रुपैयाँको लगानीमा एक करोड परिवारलाई घरहरू उपलब्ध गराइने ।
सहरी घरका लागि सुलभ दरमा ऋण उपलब्ध गराउन ब्याज अनुदान दिने
पुँजीगत खर्चका लागि ११.११ लाख करोड रुपैयाँको व्यवस्था
युवाका लागि २ लाख करोड रुपैयाँको व्यवस्था गरिएको छ।
कृषिमा ३२ वटा उच्च उपज र जलवायुमैत्री प्रजातिहरू ल्याइनेछ।
बागवानी बालीका १०९ नयाँ प्रजातिहरू जारी गरिनेछ।
१० हजार बायो इनपुट रिसोर्स सेन्टर स्थापना गरिनेछ।
आत्मनिर्भरताका लागि सरकारले दाल र तिलहन मिसनमा ध्यान दिनेछ।
तरकारी उत्पादन र आपूर्ति प्रणालीका लागि क्लस्टर तयार गरिनेछ।
अर्थमन्त्री निर्मला सीतारमणले बजेट भाषणमा रोजगारीका विषयमा ठूलो घोषणा गरेकी छन् । सरकारले रोजगारी दिने संस्थालाई सरकारी सहयोग उपलब्ध गराउने जनाएको छ । यति मात्र होइन, सरकारले कुनै कम्पनीले युवालाई रोजगारी दिएमा पहिलो तलब सरकारले दिने घोषणा गरेको छ । सरकारको यो कदमले लाखौं नयाँ रोजगारी सृजना हुनेछ ।
यस्तै बजेटमा मध्यमवर्गलाई ठूलो उपहार दिँदै आयकर प्रणालीमा ठूलो परिवर्तन गरिएको छन् । सरकारले नयाँ कर प्रणालीमा मानक कटौतीको सीमा ५० हजार रुपैयाँबाट बढाएर ७५ हजार रुपैयाँ पु¥याएको छ । प्रधानमन्त्री नरेन्द्र मोदीको नेतृत्वको गठबन्धन सरकारले सरकारले आफ्नो पहिलो बजेटमा बिहारलाई धेरै ठूला उपहार दिएको छ ।
यी मध्ये सबैभन्दा महत्त्वपूर्ण राज्यमा दुई नयाँ एक्सप्रेसवेहरू हुन्। पटना–पूर्णिया ३०० किमी र गया–बक्सर–भागलपुर ३ सय ८६ किमी दुवै द्रुतमार्गको काम चालू आर्थिक वर्षमा १००–१०० किमीको प्याचमा सुरु हुनेछ । यस परियोजनामा करिब २६ हजार करोड रुपैयाँ खर्च हुनेछ । बजेट भाषणमा घोषणासँगै नेपालसँग जोडिएको विहार प्रदेशमा पहिलो पटक द्रुतमार्ग निर्माणको बाटो खुलेको छ ।
