दुहवी,असोज ३
कञ्चनपुरकी बालिका निर्मला पन्तको हत्याको विरोधमा बुधवार सुनसरीको दुहवीमा र्याली निकालिएको छ ।सरकारको फितलो अनुसन्धानले निर्मलाको हत्यारा अझै यकिन हुन नसकेको भन्दै दोषीलाई पत्ता लगाउन दबाब स्वरुप र्याली निकालिएको हो ।
हत्यारा पत्ता लगाउन सरकारलाई दबाब दिने उद्देश्य अनुरूप विरोध गरिएको र्यालीमा सहभागी एलिना ढकालले बताईन् । दुहवीको स्थानिय पेट्रोल पम्पबाट सुरु भएको र्याली बजारको बिभिन्न भाग परिक्रमा गरेको थियो ।
र्यालीमा सहभागी युवाहरुले निर्मलाको हत्यारालाई अविलम्व पक्राउ गर, महिला हिंसा बन्द गर , दोषीलाई दण्ड देउ, महिला सुरक्षा कायम गर लगायत लेखिएका पर्चा बोकेर विरोध जनाएका थिए ।
कञ्चनपुरकी १३ बर्षिया बालिका निर्मला पन्तको बलात्कार पछि हत्या भएको लामो समय बित्दा पनि दोषी पत्ता लगाउन नसकेको भन्दै विभिन्न ठाउँमा प्रदर्शन हुँदै आएको छ ।
