३ भदौ, विराटनगर ।
नयाँ सिजनको इंग्लिस प्रिमियर लिग फुटबलअन्तर्गत आइतबार राति भएको म्यानचेस्टर सिटी र चेल्सीबीचको खेल विवादमा परेको छ ।
गएराति चेल्सीको मैदान स्टाम्फोर्ड ब्रिजमा भएको खेलमा डिफेन्डिङ च्याम्पियन सिटीले २-१ गोलको जित निकाल्दै सुखद सुरुआत गरेको थियो ।
स्ट्यामफोर्ड ब्रिजमा सिटीलाई जिताउन इएर्लिङ हालान्ड र माटेओ कोभासिचले एक-एक गोल गरे । खेलको १८औं मिनेटमा बर्नार्डो सिल्भाको पासमा हालान्डले गोल गर्दै सिटीलाई पहिलो हाफभरि अग्रता दिलाए ।
खेलको ८४औं मिनेटमा कोभासिसले गोल गरेपछि सिटी २-० गोलले विजयी भएको हो ।
त्यसअघि खेलको ७६औं मिनेटमा पेनाल्टी क्षेत्रभित्र कोभासिचको ह्यान्डबल भएको भन्दै चेल्सी समर्थकहरूले विवाद सुरु गरेका हुन् ।
कोभासिच पेनाल्टी क्षेत्रमा बलका लागि प्रतिस्पर्धा गरिरहँदा गुस्तोले बल प्रहार गरेका थिए । बल कोभासिचको कुहिनोमा लाग्यो ।
नजिकै रहेका रेफ्री एन्थोनी टेलरले पेनाल्टी दिएनन् । र, पछि भिएआरले यो निर्णयलाई समर्थन गर्यो ।
भिएआरले रेफ्री एन्थोनी टेलरको निर्णयलाई पुष्टि गर्यो किनभने कोभासिच धेरै नजिकको दूरीमा थिए र दण्डित हुन सक्ने अवस्थामा थिएनन् ।
तर, बलले कोभासिचको कुहिनोमा लागेको भन्दै चेल्सीका खेलाडीले पेनाल्टीको अपिल गरेका थिए । चौतर्फी विवाद भएपछि इंग्लिस प्रिमियर लिगले समेत पेनाल्टी नभएको आधिकारिक धारणा प्रकट गरेको छ ।
