२४ पुष , एजेन्सी ।
दशककै ठूलो हिमआँधीको सामना गरेको अमेरिकामा अर्काे विपत्त आइपरेको छ । अमेरिकास्थित लस एन्जलसको जंगलमा भीषण आगलागी भइरहेको छ। बीबीसीका अनुसार १० एकड क्षेत्रफलमा सुरु भएको आगलागी केही घण्टामै १२ सय एकडमा फैलिएको थियो ।
आगो केही घण्टामै २९ सय एकडमा फैलिएपछि आपत्कालको घोषणा गरिएको बीबीसीले जनाएको छ । दमकल विभागका प्रमुख क्रिस्टिन क्राउलीले यहाँबाट ३० हजार मानिसलाई बाहिर निकाल्न निर्देशन दिइएको बताएका छन्।
यस वनको आगलागीबाट १३ हजार भवन जोखिममा छन्। केही भिडिओ फुटेजले प्यासिफिक पालिसेड क्षेत्रका घरहरू नजिकका क्षेत्रहरूबाट बाक्लो धुवाँ निस्किरहेको देखाउँछ। यहाँ बसोबास गर्ने मानिसहरु आफ्नो घर र सवारीसाधन छाडेर भागेको देखिन्छ।
क्यालिफोर्नियामा लाखौं मानिसहरूका लागि चेतावनी जारी गरिएको छ। आगो अझै फैलिने खतरा छ। अमेरिकी मौसम विभागले यसअघि नै तीव्र हावा र सुख्खा वनस्पतिका कारण आगलागी हुने खतरा रहेको चेतावनी दिएको थियो।
मङ्गलबारको तीव्र हावाले आगो छिटो फैलिन मद्दत गरÞ्यो। आगोले सनसेट बुलेभार्ड र प्यासिफिक कोस्ट राजमार्ग नजिकैका धेरै पाम रूख र घरहरूलाई चपेटामा पारेको छ । साँझमा आगो अझ फैलिने अनुमान गरिएको छ।
मानिसहरू आफ्नो गाडीबाट भागिरहेका थिए। र यो एउटा डरलाग्दो अनुभव थियो स्थानीय बासिन्दा पिटरले भनेका छन्, मैले घरबाट सामान निकाल्ने प्रयास गरेँ, तर आगोले बाटो अवरुद्ध गरÞ्यो। अन्ततः मैले भाग्नुपथ्र्यो। “
अग्नि नियन्त्रकहरूले हवाई जहाजबाट समुद्रबाट पानी ल्याएर आगो निभाउने प्रयास गरेका छन् । आपतकालीन सवारी साधनहरू छिटो सार्न सकून् भनेर फायर ब्रिगेडले सडकमा छोडेका सवारी साधनहरू हटाउन बुलडोजर प्रयोग गरÞेका छन् ।
“अहिलेसम्म कुनै घाइते भएको खबर आएको छैन“, लस एन्जलसका अग्नि नियन्त्रक प्रमुखले बताएका छन् ।“राष्ट्रिय मौसम सेवाले लस एन्जलस काउन्टीका लागि मङ्गलबारदेखि बिहीबारसम्म“ “चरम आगोको खतराको चेतावनी जारी गरेको छ।
हावाको गति ५० देखि ८० माइल प्रतिघण्टासम्म पुग्ने अनुमान गरिएको छ। सुख्खा वनस्पति र कम आद्र्रताले आगोलाई अझ खतरनाक बनाएको छ । गभर्नर गेभिन न्यूसमले उत्तरी क्यालिफोर्नियाबाट पहिले नै दक्षिणी क्यालिफोर्नियामा प्रकोपको सामना गर्न तैनाथ गरिएको बताएका छन् ।
“हामीलाई अन्य ठाउँमा पनि आगो लाग्न सक्ने डर छ।“ हलिउडका कलाकारहरूको क्षेत्र प्यासिफिक पालिसेड्स धेरै हलिउड स्टारहरूको घर हो। अभिनेता जेम्स वुड्सले आफू सुरक्षित रहेको तर उनको घरको अवस्था अझै स्पष्ट नभएको बताएका छन्।
लस एन्जलसको यो आगलागी स्थानीय बासिन्दाका लागि मात्र नभई अधिकारीहरूका लागि पनि ठुलो चुनौती बनेको छ। दुई दिनअघि मात्रै हिमआँधीका कारण अमेरिकाका ७ राज्यमा आपत्तकालको घोषणा गरिएको थियो ।
भीषण हिमआँधीका कारण करिब ६ करोड मानिस प्रभावित भएका थिए भने केन्टकी, भर्जिनिया, वेस्ट भर्जिनिया, कान्सास, अर्कान्सास, न्यु जर्सी र मिसौरीलगायत धेरै राज्यले आपत्काल घोषणा गरेका थिए ।
