७ कार्तिक , काठमाण्डौ ।
कर्णाली याक्सले नेपाल प्रिमियर लिग (एनपीएल) को तेस्रो संस्करणका लागि दक्षिण अफ्रिकाका स्टार क्रिकेटर डेविड मिलरलाई अनुबन्ध गर्याे ।
क्लबले शुक्रबार ३७ वर्षीय बायाँहाते मध्यक्रमका ब्याटर मिलरलाई टोलीमा भित्र्याएको घोषणा गर्याे ।
मिलर कर्णाली याक्समा अनुबन्ध हुने छैटौँ विदेशी खेलाडी ।
यसअघि क्लबले पाकिस्तानका टी–२० कप्तान साहिबजादा फरहान, चर्चित अलराउन्डर हुसैन तलात, स्कटल्यान्डका मार्क वाटलगायत विदेशी खेलाडी अनुबन्ध गरिसकेको छ।
वाटबाहेक मिलर, फरहान, तलात, अरिफुल र अकबरले पहिलोपटक एनपीएल खेल्ने। कर्णाली याक्स स्पोट्र्सका अध्यक्ष गृहेन्द्र घिमिरेले समर्थकको अपेक्षाअनुसार मिलरजस्ता विश्वचर्चित खेलाडी अनुबन्ध गर्न सफल भएको बताए।
मिलरले दक्षिण अफ्रिकाका लागि १४० टी–२० अन्तर्राष्ट्रिय खेलमा २ हजार ८०४ रन बनाएका छन्।
उनले दुई शतक र नौ अर्धशतक प्रहार गरेका छन्।
उनले आईपीएलमा दिल्ली क्यापिटल्स, राजस्थान रोयल्स, किङ्स–११ पञ्जाब र गुजरात टाइटन्सबाट खेलेका छन्।
सन् २०२२ मा गुजरात टाइटन्सले आईपीएल उपाधि जित्दा मिलर टोलीका महत्वपूर्ण खेलाडी थिए।
कात्तिक ९ गतेदेखि सुरु हुने एनपीएलमा कर्णालीका मार्की खेलाडी सोमपाल कामीसहित गुल्शन झा र नन्दन यादव पनि टोलीमा छन्।
