२६ कार्तिक , काठमाण्डौ ।
असिनासहित परेको भीषण वर्षाका कारण त्रिभुवन अन्तर्राष्ट्रिय विमानस्थलको आन्तरिक टर्मिनल भवन बुधबार दिउँसो जलमग्न ।
कमजोर छानाबाट पानी भित्र चुहिएपछि विभिन्न गन्तव्यतर्फ उड्न विमानस्थल पुगेका यात्रुहरूले सास्ती व्यहोर्नुपरेको भन्दै गुनासो ।
पानी जमेका कारण विभिन्न वायुसेवा कम्पनीका चेक–इन काउन्टरमा बोर्डिङ पास लिएर प्रतीक्षा गरिरहेका तथा भित्र–बाहिर आउजाउ गर्ने यात्रुहरूको आवागमन प्रभावित भएको थियो ।
टर्मिनल भवनको कमसल छानोबाट पानी चुहिएर भुइँमै भेल बगेको नेपाल नागरिक उड्डयन प्राधिकरण (क्यान)को भनाइ ।
गत वर्षको बर्खामा पनि यसैगरी टर्मिनल भवनभित्र पानी चुहिएर जलमग्न भएको थियो ।
कमजोर पूर्वाधारका कारण सामान्य झरीमै पनि अन्तर्राष्ट्रिय विमानस्थलको आन्तरिक कक्षभित्र पानी जम्ने समस्या दोहोरिँदै ।
