पोखरा,कात्तिक ११
पोखरामा जारी नमस्ते पोखरा प्रिमियर लिग (पीपीएल) क्रिकेट अन्तर्गत आज भएको दोस्रा खेलमा बुटवल ब्लास्टरले पोखरा पल्टनलाई ३३ रनले हराएको छ । लगातार दोस्रो जित निकाल्दै बुटवल शीर्ष स्थानमा उक्लिएको हो ।
आइतबार पोखराको पोखरा रंगशालामा बुटवलले दिएको १ सय ५१ रनको लक्ष्य पछ्याएको पोखराले निर्धारित २० ओभरमा ९ विकेट गुमाएर १ सय १७ रन बनाएको हो ।
पोखराका लागि आशिफ शेखले १५ बलमा २० रन, रभि इन्दर सिंहले २१ बलमा ११ रन, शरद भेषावकरले २४ बलमा १९ रन बनाए । रसिद खानले ८ बलमा १० रन, मोहम्मद नाभेदले ९ बलमा ११ रन बनाए । बुटवलको कसिलो बलिङका सामु पोखरा टिक्न सकेन ।
बुटवलका लागि सोमपाल कामी, रोहन मुस्तफा, ललित भण्डारी र विपिन खत्रीले दुईरदुई साथै सागर पुनले एक विकेट लिए ।यसअघि टस जितेर ब्याटिङ गरेको बुटवलले निर्धारित २० ओभरमा ७ विकेट जाँदा १ सय ५० रन बनाएको थियो ।
बुटवलका ओपनर चिराग सुरी र सागर पुन चल्न नसके पनि रोहन मुस्तफा र भीम सार्कीले उत्कृष्ट पारी खेलेका थिए । रोहनले ३५ बलमा ४५ रन बनाए भने भीमले ४६ बलमा ५४ रन बनाए । सिद्धान्त लोहनीले ११ बलमा १३ रन साथै सोमपाल कामीले ८ बलमा २२ रन बनाए ।
पोखराका मोहम्मद नाभेदले अन्तिम ओभरमा नै तीन विकेट लिए । साथै महबुब आलम, ललित राजबंशी, शरद भेषावकरले एकरएक विकेट लिए ।
आइतबार नै भएको पहिलो खेलमा एक्स्पर्ट धनगढी ब्लुजले विराटनगर टाइटन्सलाई ७८ रनले पराजित गरेको थियो ।
