काठमाडौं, कात्तिक १५
सिग्नेचर मनाङ मस्याङ्दी क्लब भारतको सिक्किममा जारी गभनर्स गोल्ड कप फुटबल प्रतियोगिताको फाईनलमा प्रवेश गरेको छ ।
बिहीबार ग्यान्टोकस्थित पाल्चोर रंगशालामा भएको खेलमा कोलकाता एटिकेलाई ६–२ ले हराउँदै मनाङ उपाधि नजिक पुगेको हो । मनाङको जितमा डोना थापाले ह्याट्रिक गरे ।
मनाङ्को लागि अन्जन विष्ट, सुजल श्रेष्ठ र विमल बस्नेतले समान १ गोल गरेपछि फराकिलो जित हात पारेको हो ।
बाई पाएर सोझै क्वार्टफाइनल खेलको मनाङले मंगलबार भारतीय क्लब कोलकाता कस्टम्सलाई ४–२ ले हराउँदै अन्तिम चारको यात्रा तय गरेको थियो ।
अर्को टोली नेपाल एपिएफ पनि नेपालको तर्फबाट सो प्रतियोगितामा सहभागी जनाएको थियो । तर, एपिएफ क्लब भने पहिलो खेलबाटै बाहिरिएको थियो ।
