एजेन्सी,कात्तिक २६
इटालियन सिरी ए अन्तर्गत आइतबार भएको खेलमा युभेन्टसले एसी मिलानलाई २–० ले पराजित गरेको छ ।
आठौं मिनेटमा फरवार्ड मारियो मान्जुकिचले गोल गर्दै युभेन्टसलाई सुरुवाती अग्रता दिलाएका थिए । मारियो मान्जुकिचले एलेक्स सान्ड्रोको क्रसमा गोल गर्न सफल भएका हुन् ।
पेनाल्टी मार्फत मिलानले खेल बराबरी गर्ने सुवर्ण अवसर प्राप्त गरेपनि फरवार्ड गोन्जालो हिगुआइन त्यसमा सफल भएनन् । मिलानले पाएको पेनाल्टीमा हिगुआइनको प्रहार गोलरक्षक वजचिएक सेचेज्नीले बचाए ।
रोनाल्डोले गोल गरेको केहि बेरमै हिगुआइन लगातार पहेंलो कार्ड खाँदै मैदानबाट बाहिरिए । डिफेन्डर मेधि बेनाटियालाई फल गरेपछि उनले पहिलो कार्ड पाए । तर रिसको झोंकमा राफ्रिको अगाडि कराएपछि उनले दोस्रो कार्ड पनि पाए ।
यस जितसँगै युभेन्टसले शीर्षस्थानमा ६ अंकको अग्रता कायम राख्न सफल भएको छ ।
