विराटनगर, पुस १४
पुस १९ गतेदेखि विराटनगरमा हुन गइरहेको बृहत प्रविधी मेला(क्यान इन्फोटेक)को स्पोन्सर र स्टल बुकिङको तयारी अन्तिम चरणमा पुगेको छ ।स्पोन्सर र स्टल बुकिङको तयारी अन्तिम चरणमा पुगेको तथा अन्य तयारी तीब्र गतिमा भइरहेको क्यान महासंघ मोरङका अध्यक्ष राजन यादवले बताए ।
इन्फोटेकमा विज्ञान प्रविधि तथा सेमिनार र कन्फरेन्स समेत गरिने भएको छ । सेमिनार र कन्फरेन्स स्मार्ट सिटि र साइबर सेकुरिटिमा आधरित रहने जनाईएको छ । जसका लागि काठमाडौँ लगायत विभिन्न विश्वविद्यालयबाट विशेषज्ञहरु आउने बताईएको छ ।
त्यस्तै रोबोवार, पब्जि, स्मार्ट सिटि मोडेलिङ, ह्यकाथोङ , भिडियो थिम च्यालेन्ज जस्ता युवा तथा विद्यार्थी लक्षित कार्यक्रमहरु पनि मुख्य आकर्षणमा रहेको अध्यक्ष यादवले बताए । यी कार्यक्रममा भाग लिनको लागि अनलाइन र अफलाइन रजिस्ट्रेशन समेत खुलीसकेको अध्यक्ष यादवले बताए ।
अनलाइन रजिस्ट्रेशनमा क्यासव्याक समेत रहेको र त्यसका लागि इसेवा र खल्ती एप चलाउन सकिने www.canmorang.org.np/event बाट समेत रेजिस्ट्रेसन गर्न सकिने जनाईएको छ । क्यान इन्फोटेकमा विभिन्न कम्पनिहरुको विशेष अफर तथा टिकटमा लक्की ड्र मार्फत दुवई भ्रमणमा जाने मौका रहेको छ ।
बदलिँदो सुचना प्रविधी र यससँग सम्बन्धीत जानकारीहरु प्राप्त गर्न इन्फोटेकले महत्वपूर्ण भुमिका खेल्ने दाबी गर्दै अध्यक्ष यादवले एक्स्प्लोर इनोभेसन र टेकनोलोजी नाराका साथ आएको सुबिसु क्यान इन्फोटेक २०१९ इन एसोसिएसन विथ म्याक्याफे भव्य बनाउन अपिल गरे ।
