विराटनगर, पुस १७
फरार प्रतिवादी पक्राउ अभियान अन्तरगत जिल्ला प्रहरी कार्यालय मोरङ तथा मातहत कार्यालयहरुबाट खटिएको प्रहरी टोलीले एकैदिन २० जना फरार प्रतिवादीहरुलाई पक्राउ गरेको छ ।
जिल्ला अदालत मोरङबाट बिभिन्न मितिमा भएको फैसला आदेशले कैद तथा जरिवाना फैसला भई हाल सम्म फरार रहदै आएका केही सार्जजानिक मुद्धाका ६ जना, कुटपीट मुद्धाका १२ जना, आगलागी मुद्धाका १ जना र जबरजस्ती करणी मुद्धाका १ जना गरी कुल २० जना फरार प्रतिवादीहरुलाई पक्राउ गरिएको हो ।
पक्राउ परेका फरार प्रतिवादीहरुलाई तोकिएको कैद सजाय तथा जरिवाना भुक्तानीको लागि जिल्ला अदालत मोरङमा बुझाइएको जिल्ला प्रहरी कार्यालय मोरङले जनाएको छ
