एजेन्सी, पुस १८
अमेरिकी अन्तरिक्ष एजेन्जी नासाको अभियान ‘न्यू हराइजन्स’ ले सौर्यमण्डलको बाहिरी भागमा रहेको पिण्डको तस्विर खिच्न सफल भएको छ ।
सौर्यमण्डलको बाहिरी हिस्सामा रहेका पिण्डको अध्ययन गर्न पठाइएको अन्तरिक्ष यान न्यू हराइजन्सले अल्टिमा टूली नामको पिण्डको नजिकबाट गुज्रने क्रममा पृथ्वीमा सम्पर्क गर्न सफल भएको हो ।
पृथ्वीदेखि सम्पर्क हुने क्रममा यो अन्तरिक्ष यान ६ अर्व ५० किलोमिटरको दुरीमा रहेको थियो । यो अभियान पृथ्वीदेखि सबैभन्दा टाढा पुगेको एक सफल अभियान बन्न पुगेको छ । न्यू होराइजन्स नामको रावोटिक उपग्रहले अल्टिमा टूलीको नजिकै भएर गुज्रिँदा यो पिण्डको थुप्रै तस्वीर लिएको हो । साथै महत्वपूर्ण जानकारी संग्रह गर्न सफल पनि भएको छ ।
यो अन्तरिक्ष यानले आगामी केही महिनासम्म महत्वपूर्ण तस्वीर र जानकारी पृथ्वीमा पठाइ रहनेछ । अल्टिमा सौर्यमण्डलको त्यो हिस्सामा स्थित छ जसलाई काइपर बेल्ट भनिन्छ । जुन अत्यन्तै चिसो जमेका पिण्डले बनेको छ । काइपर बेल्टमा अल्टिमा जस्ता हजारौं पिण्ड रहेको अनुमान गरिएको छ । यो मिसनले सौर्यमण्डलको निर्माण हुने क्रममा तिनीह?को स्थिती कस्तो थियो होला भन्ने जान्न सकिने बताइएको छ ।
