विराटनगर : लाईसेन्स र बिलबुक लिन जिल्ला प्रहरी कार्यालय मोरङ पुगेका एक सेवाग्राहीको मृत्यु भएको छ ।शुक्रबार बिहान जिल्ला प्रहरी कार्यालय पुगेका विराटनगर– ४ इक्राहीका अन्दाजी ४५ वर्षीय फणिन्द भनिने धु्रव खरेलको मृत्यु भएको हो ।
लाईसेन्स लिन प्रहरी कार्यालयभित्र प्रतीक्षालयमा बसिरहेका खरेल एक्कासी बेहोस भएका थिए । लगत्तै प्रहरीले उपचारका लागि कोशी अञ्चल अस्पतालमा लगेको थियो । अस्पतालमा उपचारका क्रममा उनको मृत्यु भएको प्रहरीले जनाएको थियो ।
जिल्ला प्रहरी कार्यालय मोरङका डीएसपी घनश्याम श्रेष्ठका अनुसार मृत्युको कारण खुलेको छैन । , यो समाचार आजको उद्घोष दैनिकमा छापिएको छ ।
