काठमाडौँ : अहिलेसम्म स्वाइनफ्लुका कारण मृत्यु हुनेको सङ्ख्या लुकाएको सरकारले अन्तत: तथ्यलाई स्वीकारेको छ । कडा खालको रुघाखोकीका कारण ५ जनाको मृत्यु भएको भनेर स्वास्थ्य मन्त्रालयअन्तर्गतको इपिडिमियोलोजी तथा रोग नियन्त्रण महाशाखाले घुमाउरो पाराले स्वाइनफ्लुका बिरामीको मृत्यु भएको तथ्याङ्क सार्वजनिक गरेको छ ।, नेपाल समाचारपत्रमा खबर छ ।
नेपालमा सन् २००९ मा यो रोग देखा पर्दा विश्व स्वास्थ्य संगठनले स्वाइनफ्लु भनेको थियो । अहिले पनि विभिन्न अन्तर्राष्ट्रिय जर्नलमा स्वाइनफ्लू अर्थात् फ्लू उल्लेख गरेको पाइन्छ । तर नेपाल सरकार रोग नियन्त्रण गर्नुको सट्टा शब्दमा खेलेर बसेको विज्ञहरुको आरोप छ । हाच्छिउ गर्दा, खोक्दा, सिंगान बग्दा, सास फेर्दा, हात मिलाउँदा समेत सर्ने यति कडा रोगले मान्छे नै मर्दा सरकार सामान्य रुघाखोकीले बिरामी मरेको भनेर बस्नु दुःखद भएको उनीहरू बताउँछन् ।
