https://www.facebook.com/nepaltimesnews/videos/353629905473118/?t=103
विराटनगर,माघ १८
मोरङको सुन्दरहरैचा ९ सिसौघारीमा माघ १४ गते सोमवार ट्रिपरको ठक्करबाट ११ वर्षीय बालिका लक्ष्मी ढकालको मृत्यु भए पछि उत्पन्न तनाव सेलाउन नपाउदै सरकार र ट्रिपर ब्यवसायीको जुहारी सुरु भएको छ ।आन्दोलनरत पूर्वाञ्चल ट्रिपर व्यवसायी संघले आयोजना गरेको ¥यालीलाई प्रहरीले अगाडि बढ्न नदिएपछि कोसी राजमार्ग शुक्रबार दिनभरजसो तनावग्रस्त बन्यो ।
मोरङको सुन्दर हरैँचामा ७ वटा टिपरमाथि भएको आगजनीको विरोधमा सुन्दरहरैंचा नगरपालिकाको खोर्सानेबाट शुक्रबार आयोजना गरिएको ¥याली कोसी राजमार्ग अन्तर्गत बुढीगंगा गाउँपालिका र विराटनगर महानगरपालिकाको सिमानामा प्रहरीले रोकेपछि तनावग्रस्त बनेको हो । साढे १२ बजे उक्त स्थानमा पुगेका करिब साढे तीनसय ट्रिपर अगाडि बढ्न खोजिरहेको अवस्थामा प्रहरीले रोक्न खोजेपछि घम्साघम्सीको स्थिति उत्पन्न भएको थियो ।
स्थितिलाई नियन्त्रणमा लिन ठूलो संख्यामा सशस्त्र र नेपाल प्रहरी परिचालन गरिएको थियो । प्रहरीले रोकेपछि टिपर चालकहरु सडकमा उत्रिएर नारावाजी नै गरेका छन् । चालकहरुले प्रहरी प्रशासनले आफुहरुलाई सुरक्षा नदिएको भन्दै सुरक्षाको माग गरेका छन् ।र्यालीमा सहभागी टिपरले ६ लेन सडक रहेको राजमार्ग पूरै ढाकेपछि सवारी आवागमन ठप्प बनेको थियो । आगजनी गरिएका ट्रिपरको क्षतीपुर्ती तथा आगजनी गर्नेलाई कारबाहीको माग गर्दै ट्रिपर ब्यबसायीहरुले विराटनगरको बरगाछीसम्म ¥यालीको आयोजना गरेका गरेको पूर्वाञ्चल ट्रिपर ब्यबसायी संघका उपाध्यक्ष राम फुयाँलले बताए । ट्रिपर ब्यबसायीहरुले गरिखान पाउनुपर्ने आफुहरुको माग रहेको उनले बताए ।
एकै पटक ठूलो संख्यामा टिपरलाई विराटनगर बजार प्रवेष गर्न दिँदा स्थिति खराब हुने भएपछि टिपरलाई राकेको प्रहरीले जनाएको छ । सोमबार बिहान मोरङको सुन्दरपुरहरैंचा–९ सिसौघारीमा ११ वर्षीया बालिका लक्ष्मी ढकालको टिपरको ठक्करबाट मृत्यु भएपछि आक्रोशित स्थानीयले सातवटा टिपरमाथि आगजनी गरेका थिए । घटनाले उग्ररुप लिएपछि जिल्ला प्रशासन कार्यालय मोरङले करिब १० घण्टा निषेधाज्ञा नै जारी गरेको थियो । घटनाको विरोधमा उत्रिएका स्थानीय बालिकाको शव दिनभरी सडकमा राखेर प्रदर्शन गर्नुका साथै सातवटा ट्रिपरमा आगजनी गरेका थिए ।
