काठमाडौं : खाद्य संस्थानले मुलुकका कर्णाली र दुर्गम क्षेत्रमा चामल बिक्री गर्दा बोराको समेत शुल्क असुल्ने गरेको पाइएको छ। जिल्लाबाट धान खरिद गर्दा, मिलबाट कुटानी गरेर चामल लिँदा र जापानी अनुदानका चामलमा आउने बोरा संस्थानले सित्तैमा प्राप्त गर्छ तर त्यही बोरा बेचेर संस्थानले कर्णाली र दुर्गमका जनताबाट बर्सेनि डेढ करोड रुपैयाँभन्दा बढी असुल्दै आएको हो।, यो समाचार आजको कान्तिपुर दैनिकमा छ ।
संस्थानले काठमाडौं उपत्यकामा चामल बिक्री गर्दा बोराको शुल्क लिँदैन। दुर्गमका जनताबाट भने प्रतिबोरा थप २० रुपैयाँ असुल्दै आएको हो।संस्थानका प्रवक्ता शंकर शापकोटाका अनुसार उपत्यका बाहेक दुर्गम जिल्लामा वार्षीक १ लाख ४० हजार देखि २ लाद क्विन्टल चामल बिक्री हुन्छ ।
एउटा बारामा २० किलोका हिसाबले वार्षीक ८ लाख बोरा चामल बिक्री हुन्छ जस अनुसार वार्षीक १ करोड ६० लाख रुयैयाँ भन्दा बढी अशुल्दै आएको संस्थानका अधिकारी हरु बताउँछन् ।
