विराटनगर, फागुन ६
सुनसरीको दुहबी नगरपालिका–३ फुटानी चौकमा सोमबार यात्रु बाहक बसको ठक्करबाट एक जना पैदलयात्रीको मृत्यु भएको छ ।
कोशी राजमार्ग अन्तर्गत बिहान साढे ९ बजे यात्रु बोकेर बिराटनगरबाट धरान तर्फ जाँदै गरेको ना ४ ख ७४२७ नम्बरको बसले पैदल हिडिरहेकी सप्तरी भारदह मधुवापुर–५घर भई हाल दुहबी नगरपालिका–३ फुटानी चौकमा डेरा गरी बस्ने २७ वर्षीय रेखा झालाई ठक्कर दिएको थियो ।
बसको ठक्करबाट झाको घटनास्थलमा नै मृत्यु भएको इलाका प्रहरी कार्यालय दुहबीले जनाएको छ । उनको शव परीक्षणको लागि जिल्ला अस्पताल ईनरुवा पठाएको छ भने बस र चालकलाई प्रहरीको नियन्त्रणमा राखिएको उक्त कार्यालयले जनाएको छ ।
