विराटनगर, फागुन १७
दिगो विकास लक्ष्य प्राप्तीका लागि सहकारी भन्ने नाराका साथ सहकारी क्षेत्रको प्रबद्र्धनमा प्रदेश तथा स्थानीय तहको भूमिकाको विषयमा २ दिने गोष्ठी विराटनगरमा सुरु भएको छ । विराटनगरको होटल बिगमा आयोजित उक्त गोष्ठीमा प्रदेश सरकारका उच्च अधिकारी, प्रदेशसभाका सांसदहरु, १ नम्बर प्रदेशका सबै स्थानीय तहका प्रमुख, उपप्रमुख तथा कार्यकारी अधिकृतहरू र सहकारीसँग आवद्ध अगुवाहरु रहेका छन् ।
प्रदेश सरकार र स्थानीय सरकारले सहकारी नियन्त्रण नियमन, अनुगमन र प्रबद्र्धनका लागि धमाधम कानून निर्माण गरिरहेका बेला राष्ट्रिय सहकारी महासंघको आयोजना, प्रदेशको सहकारी मन्त्रालय र युएनडिपीको सहयोगमा उक्त कार्यक्रम भएको हो । कार्यक्रममा बोल्दै राष्ट्रिय सहकारी महासंघका अध्यक्ष केशव बडालले कानून निर्माणको चरणमा प्रदेश तथा स्थानीय सरकार रहेको भन्दै सरकारहरु सहकारीमैत्री बन्नुपर्ने धारणा राखे ।
२ दिनसम्म चल्ने गोष्ठीमा सहकारी क्षेत्र प्रबद्र्धनमा सहकारीमैत्री कानून निर्माण विषयक कार्यपत्र भूमि व्यष्वस्था तथा सहकारी तथा गरिवि निवारण मन्त्रालयका सचिव गोपीनाथ मैनालीले, समृद्धिको यात्रामा प्रदेश स्थानीय सरकार र सहकारीबीचको समन्वयको विषयमा, राष्ट्रिय सहकारी महासंघका अध्यक्ष केशव बडालले र दिगो विकासको लक्ष्य प्राप्तिमा सहकारीको भूमिका विषयमा र राष्ट्रिय सहकारी महासंघका उपाध्यक्ष ओमदेवी मल्लले आज कार्यपत्र प्रस्तुत गर्नुभएको छ । कार्यपत्रमाथिको छलफल भोलि हुनेछ र कार्यक्रम सकिने आयोजकको भनाइ छ ।
उक्त गोष्ठीमा छलफल भएका विषयलाई प्रदेश सरकार तथा स्थानीय सरकारलाई कानून निर्माणका क्रममा समेट्न पहल र प्रयत्न गरिने बताइएको छ ।
