काठमाडौं : बैदेशिक रोजगार व्यवसायी संघका अध्यक्ष रोहन गुरुङको घरमा शुक्रबार साँझ भएको शत्तिशाली विस्फोटमा परी दुई जना घाइते भएका छन् । घटनामा ममता गौतम र दिवाकर गुरुङ घाइते भएका छन् । ममताको गालामा चोट लागेको छ ।
बसुन्धरास्थित गुरुङको घरको ग्यारेजमा पार्किङ गरिराखेको ल्याण्डक्रुजर गाडीमा राखिएको बम विस्फोट भएपछि आगलागी भएको थियो । गुरुङको कार्यालय समेत रहेको सो घरमा विस्फोट भएको हो । उनी सोही घरको चौथो तलामा थिए ।
उनले दिनभर गाडी ग्यारेजमै रहेको र त्यहाँसम्म पुगेर कसले कतिबेला बम राख्यो भन्ने थाहा नभएको जनाएका छन् ।विस्फोटबाट दुई तलामाथिसम्म क्षति पुगेको छ भने छिमेकी घरमा पनि क्षति भएको छ ।
विस्फोटपछि आगजनी हुँदा बा १० च ६७८९ नम्बरको कार पूर्ण रुपमा जलेको छ भने आसपासका घरमा समेत क्षति पुगेको छ ।,,खवर आजको राजधानी दैनिकमा लेखिएको छ ।
