विराटनगर : १०९ औँ अन्तराष्ट्रिय श्रमिक महिला दिवसको दिन सुनसरी– मोरङ औद्योगिक क्षेत्रमा कार्यरत महिलाहरुले विदा नपाएको गुनासो गरेका छन् ।
अखिल नेपाल श्रमिक महिला संघ सुनसरीकी संयोजक मञ्जु गरागाइले सुनसरी– मोरङ औद्योगिक क्षेत्रमा सञ्चालित अधिकांश उद्योग तथा कलकारखानाका साथै निजी क्षेत्रमा काम गर्ने महिलाहरुले श्रमिक महिला दिवसमा विदा नपाएको बताईन् । उनले यस क्षेत्रका पुरुषसरह महिलाले समान काममा समान ज्याला नपाएको गुनासो गरिन् ।
शुक्रबार सुनसरीमा अन्तराष्ट्रिय श्रमिक महिला दिवसमा विविध कार्यक्रमको आयोजना गरिएको थियो ।सोही क्रममा गाउँपालिका र नगरपालिकामा विविध गरी दिवसमा निजी क्षेत्रमा काम गर्ने महिलाहरुले विदा नपाएको गुनासो गरेका छन् ।,यो समाचार आजको उद्घोष दैनिकमा छापिएको छ ।
