विराटनगर, चैत २२
विराटनगरको विभिन्न क्षेत्रबाट चोरीमा संलग्न ५ जनालाई प्रहरीले पक्राउ गरेको छ । विराटनगरको विभिन्न क्षेत्रमा चारीमा संलग्न रहेको आरोपमा विभिन्न मितीमा पक्राउ परेका ५ जनालाई शुक्रबार जिल्ला प्रहरी कार्यालय मोरङले सार्वजनिक गरेको हो ।
पक्राउ पर्नेमा भारत बिहारको अररिया जिल्ला जोकिमतियारी ग्राम वडा नं. १३ का मो. सैयुब, विराटनगर–८ अशोक चौकका ईमरान खान, कटहरी–१ का ताजिम मिया,विराटनगर– १२ का जमुना सहनी र कटहरी– २ का सरोजकुमार साह रहेको जिल्ला प्रहरी कार्यालय मोरङले जनाएको छ ।
चैत १८ गते अन्दाजी राती करिब बजेको समयमा विराटनगर–४ राधाकृष्ण टोल स्थित रत्न प्रसाद आचार्यको घरको छतको सिढिको ढोका तोडफोड गरी कोठाबाट विभिन्न सामान चोरी भएको भन्ने खबर पाएर खटिएको प्रहरी टोलीले भारत बिहारका २५ वर्षीय मो. सैयुबलाई विराटनगर– ११ रोडशेष चौकबाट पक्राउ गरेको थियो ।
त्यस्तै चोरीमा संलग्न विराटनगर–८ अशोक चोक बस्ने २५ वर्षीय ईमरान खान, कटहरी – १ बस्ने २६ वर्षीय ताजिम मिया र विराटनगर – १२ बस्ने २६ वर्षीया जमुना सहनीलाई चैत २१ गत प्रहरीले पक्राउ गरेको थियो । चोरी भएको ल्यापटप विराटनगर ८ हाटखोलामा रहेको एस के एस रिपेरिङ सेन्टरमा कटहरी–२ बस्ने सरोज कुमार साहलाई ईमरान खान र मो. सैयुबले दिएको भन्ने प्रारम्भिक अनुसन्धानमा खुलेकोले साहलाई चैत २० गते विराटनगर–८ बाट पक्राउ गरेको जिल्ला प्रहरी कार्यालय मोरङका डिएसपी घनश्याम श्रेष्ठले जानकारी दिए ।
चोरीमा संलग्न ब्यक्तिहरूलाई मुलुकी फौजदारी अपराध (संहिता) ऐन २०७४ बमोजिम चोरी कसुरमा थप अनुसन्धान भई रहेको प्रहरी कार्यालयले जनाएको छ ।
पक्राउ परेका मा.सैयुबको साथबाट बरामद सामानहरू : कालो रंगको झोला र सोही झोला भित्र सामसुङ लेखिएको क्यामरा थान १, लेनेभो लेखिएको ल्यापटप चार्जर थान १, क्यासियो लेखिएको घडी थान १,पेनड्राईभ थान १ ,कालो रंगको पर्स थान १,हुवाई कम्पनीको मोवाईल थान १,लत्ताकपडा, स्काई रक लेखिएको साईकल थान १
सरोज कुमार साहको साथवाट बरामद सामानहरू : कालो रंगको लेनेभो ल्यापटप थान १,सामसुङ कम्पनीको मोवाईल थान १
ईमरान खान र जमुना सहनीको साथबाट बरामद सामानहरू : सामसुंङ मोवाईल थान १, लेनेभो मोवाईल थान १,फलामको सिक्रिमा बिभिन्न साईजको चावीहरूको झुप्पो,कालो रंगको पर्स
ताजिम मियाको साथबाट बरामद सामानहरू : भिष्टा लेखिएको पछाडी बोक्ने झोला थान १, बिभिन्न साईजका ताला र चावीहरू थान १०,टेस्टर थान २ बिभिन्न साईजको फलामको रेन्च थान ३, फलामको पिलास थान १,बिभिन्न साईजको फलामको कैची थान ३,बिभिन्न साईजको फलामको रड थान ३ ,चक्कु थान १,फलामको रेती थान १
