विराटनगर,चैत २५
संघीय समाजवादी फोरम नेपाल विराटनगरको नगर अध्यक्षमा अमरेन्द्र यादव निर्वाचित भएका छन् ।अमरेन्द्र २२ मतले अन्तरले प्रतिस्पर्धी समिम कमरलाई पराजित गरेर नगर अध्यक्षमा निर्वाचित भएका हुन् ।
कमरले जम्मा ९० मत ल्याउन सफल भए । आईतबार मध्यरातमा सम्पन्न भएको निर्वाचनमा २ सय १० मत खसेको थियो । जम्मा २ सय ५२ मत रहेको नगर अधिवेशनमा खसेको मत मध्ये ८ मत बदर भएको थियो ।
फोरमका केन्द्रीय अध्यक्ष उपेन्द्र यादवका छोरा अमरेन्द्र स्वास्थ्य तथा जनसख्या मन्त्री उपेन्द्र यादवका स्वकीय सचिवसमेत रहेका अमरेन्द्रले पार्टीको स्थापना कालदेखि नै सक्रिय भएर लागेको पूर्व नगर अध्यक्ष समिम कमरलाई पराजित गर्न सफल भएका हुन् ।
