जनकपुरधाम, वैशाख १४
गृहमन्त्री रामबहादुर थापा ‘बादल’ले प्रमुख जिल्ला अधिकारी (सिडियो) संघ अन्तर्गत हुने बताएका छन् । शनिबार प्रदेश २ को सुरक्षा गोष्ठीमा गृहमन्त्री थापाले प्रमुख जिल्ला अधिकारी संघ अन्तर्गत हुने बताएका हुन् ।
प्रदेश २ को सरकारले आफ्नै सीडीओ राख्ने तयारी गरेपछि गृहमन्त्रीको सो धारणा आएको हो ।‘संविधानमा व्यवस्था नभएको कुरो प्रदेशले राख्न पाउँदैन’ उनले भने । सुरक्षाका लागि प्रदेशले प्रहरी मात्र परिचालन गर्न सक्ने उनको भनाइ छ । संविधान अनुसार काम गर्न गृहमनत्रीले प्रदशे सरकारलाई आग्रह गरे ।
गृहमन्त्री थापाले विप्लव समूहलाई वार्तामा बोलाएको समेत बताए । उनले भने, ‘विप्लव समूहलाई सरकारले वार्तामा बोलाएको छ, वार्तामा नआए सरकारले कडा कलम चाल्छ ।’
