काठमाडौं, वैशाख १७
चीनले नेपाललाई १ अर्ब युआन (करिब साढे १६ अर्ब रुपैयाँ) अनुदान सहयोग दिने घोषणा गरेको छ । राष्ट्रपति विद्यादेवी भण्डारीको चीन भ्रमणको अवसरमा चीनले १ अर्ब युआनसहयोग दिने घोषणा गरेको हो । राष्ट्रपति भण्डारी र चिनियाँ राष्ट्रपति सी चिनफिङबीच सोमबार दुई पक्षीय भेटवार्ता भएसँगै चीनले यस्तो घोषणा गरेको हो ।
चीनले नेपालमा सञ्चालन गरेका विभिन्न परियोजना, नेपालको उत्तरी क्षेत्रका जनताको जीवनस्तर बृद्धि, भूकम्पले पुर्याएपछिको पुनर्निर्माण लगायतका कार्यमा खर्च हुने गरि यो अनुदान दिइएको हो । यसअघि ग्रेट हल अफ दि पिपुलमा दुई देशका राष्ट्रपतिबीच भेटवार्ता भएको थियो ।
