८ असार, विराटनगर ।
मोरङका जन्मेर काठमाडौलाई अध्ययनस्थल र अहिले न्युजिल्याण्डलाई कर्मथलो बनाएका संचारकर्मी विपन भण्डारीले गैर आवासीय नेपाली संघ न्यूजिल्याण्डको कोषाध्यक्षमा आफनो उम्मेदवारी दिएका छन् । नेपालका विभिन्न राष्ट्रिय टेलिभिजनहरुका झन्डै एक दशक पत्रकारिता गरेका भण्डारी ४ वर्ष पहिले उच्च शिक्षा र रोजगारीका लागि न्यूजिल्याण्ड पुगेका थिए ।
न्यूजिल्याण्डमा रहेका नेपालीको सेवा र उनीहरुलाई परेको समस्या र संकटको समाधान गर्न उद्देश्य लिएर आफू एनआरएनएमा आउन चाहेको उनले बताएका छन् । एक दशक नेपालमा पत्रकारिता गरेका भण्डारीले देशका हरेक क्षेत्रलाई समेत नजिकबाट नियालेकाले एनआरएनएको तर्फबाट जन्मभूमिलाई पुर्याउन सक्ने क्षेत्रगत योजनाका विषयमा समेत आफू जानकार रहेको उनले बताएका छन् ।
यसकारण पनि वर्तमान देशको आवश्यकता आर्थिक समृद्धि र विकासमा टेवा पुर्याउन आफू आफू एनआरएनएमा आउन चाहेको उनले बताएका छन् । चुनावी अभियानमा जुटिरहेका विपन न्यूजिल्याण्डमा रहेका सवै नेपालीसमूदायबाट सहयोग र समर्थनको आशमा रहेका छन् ।
न्यूजिल्याण्डको प्रतिष्ठित कम्पनी एसबीएस ट्रान्सपोर्ट ग्रुप लिमिटेडको एकाउण्ट म्यानेजर पदमा कार्यरत उनी अहिलेपनि आफ्नो र आफुले चिनेको भन्दा हुने कुनै कम्पनीमा प्रतिष्ठित पदमा जागिर खुले पहिले नेपालीलाई नै सम्झिन्छन् । त्याहा उनले नेपाली रेडियोमा समेत काम गरेका छन ।
उनलाई चिन्नेहरुले यही कारण पनि एनआरएनएको नेतृत्वमा उनी आउनुपर्ने बताउने गरेका छन् । उनले आमूल परिर्वतनका लागि समावेशिता, पारदर्शीता र जवाफदेयीताको नारासँगै आफनो उममेदवारी घोषणा गरेका छन । एनआरएनए न्युजिल्याण्डको आगामी जुलाई २० तारिखमा निर्वाचन हुदैछ ।
