१९ असार, काठमाडौँ ।
इन्जिनियरिङ्ग क्षेत्रमा राम्रो कलेजको रुपमा चिरपरिचित काठमाडौं इन्जिनियरिङ क्याम्पसमा ‘दृष्टि २.०’ तीन दिने प्रर्दशनी आयोजना हुने भएको छ । विद्यार्थीहरुमा लुकेर रहेका विभिन्न प्रयोगत्मक प्रतिभाहरु, वैदिक ज्ञानहरु बाहिर प्रस्फुटन गराई राष्ट्रका लागि केही सकरात्मक सन्सि.डिएश पुगोस भन्ने उद्देश्यले यही असार २० गते देखी २२ गते सम्म राष्ट्रिय स्तरको दृष्टि २.० को कार्यक्रम संचालन गर्न लागिएको स्वतन्त्र विद्यार्थी युनियनका सभापति पुर्णबहादुर खड्काले बताए।
उक्त प्रर्दशनीमा विद्यार्थीको सैद्धान्तिक ज्ञानलाई प्रयोगात्मक रुपमा देखाइने छ । कार्यक्रममा भूकम्प प्रतिरोधी मोडलहरु, फोटोग्राफी, रोबोड्रिफ्ट, आर्किटेक्चर प्रतियोगिता, पेपर वृज प्रतियोगिता, इलेक्ट्रिकल र इलोक्ट्रोनिक्स सम्बन्धी इनोभेसन लगायत विभिन्न इन्जिनियरिङ विधाका प्रोजेक्टहरुको प्रर्दशनी हुनेछ ।
इन्जिनियरिङ्ग क्षेत्रमा दृष्टि जस्ता विभिन्न कार्यक्रमहरु निश्चित समयको अन्तरालमा गर्नाले विद्यार्थीको शैक्षिक क्षेत्रका साथसाथै अन्य प्रयोगात्मक प्रतिभा पनि अभिवृद्धि हुने खड्काको भनाई छ । उनले कलेजमा रहेका ६ वटा संकायगत क्लबहरुले आ–आफ्नो क्लबबाट नयाँ–नयाँ डिजाइन, नयाँ कन्सेप्टका प्रोजेक्टहरु प्रर्दशन गर्ने जानकारी दिए।
कार्यक्रममा ५० लाखभन्दा बढी खर्च हुने जानकारी दिँदै कलेजका प्रधानाध्यापक प्रा.हिरेन्द्रमान प्रधानले कार्यक्रमले इन्जिनियरिङ्ग क्षेत्रका नयाँ आविस्कारहरुलाई ईन्जिनियरिङ्ग पढ्ने वर्ग र आम विद्यार्थीका सिदान्तका कुराहरुलाई प्रयोगात्मक रुपमा ल्याउन सहयोग पुग्ने कुरा बताए।
