१६ असोज, विराटनगर ।
बिहीबार सुनको मूल्य ह्वात्तै बढेको छ । नेपाल सुनचाँदी कारोबार व्यवसायी महासंघका अनुसार बुधबारको तुलानामा बिहीबार ११ सय रुपैयाँले सुनको मूल्य बढेको हो ।
बुधबार छापावाला सुन प्रतितोला ६९ हजार ५ सय रुपैयाँमा कारोबार भएको थियो । तर, विहीबार भने बढेर ७० हजार ९ सय रुपैयाँमा कारोबार भइरहेको नेपाल सुन चाँदी महासंघले जनाएको छ ।
यस्तै बुधबार प्रतितोला ६९ हजार ५ सय रुपैयाँमा कारोबार भएको तेजाबी सुन आज भने प्रतितोला ७० हजार ६ सय रुपैयाँमा कारोबार भइरहेको छ ।
बुधबार प्रतितोला ८ सय ३५ रुपैयाँमा कारोबार भएको चाँदीको मूल्य आज ८ सय ५० रुपैयाँ पुगेको छ ।
